بس قاطعو همام لما قال بغضب …عمي …..انت قولت الكلمه دي قبل ما اطلع وانا عديتها لك… رغم انك كده تبقى بتغلط فيا…اللي في بطنها ولدي وكلمة الحق تتقال البت من لما اتجوزتها معتبتش بره الدار.. في حد هنا بيساعدها وبيوصل لها الجوبات… وهعرفه….و بكره تولد ووقتها انا عارف كيف هحاسبها على اللي عملته
عمه اتنهد وقال…. على راحتك يا همام يا ولدي انت أدرى بردك ….المهم الرجاله كلموني وقالوا البضاعه على وصول
همام قال بضيق…..بينا
ومشيوا سوا وهمام كان شارد طول الطريق والغضب بياكل فيه …نار في قلبه مش قادر يطفيها على كل احلام اللي اتبخرت في الهوا وحياته اللي رسمها معاها واتهدت…مش قادر يصدق ان كل اللي كان بينهم لعبه منها
اما سلطانه كانت قاعده بتبكي جامد في الاوضه والباب اتفتح دخلت واحده من الخدم وقالت بقلق….. ست سلطانه الحمد لله انك بخير ….عرفت ان همام بيه عرف كل حاجه
سلطانه قالت ببكا ….ايوه عرف يا نعيمه …ومقبلش يسمعني حتى…. بس هو معذور بردك تلاقيه دلوك فاكر اني كنت رايده اسجنه واني واحده كدابه لعبت عليه و عمري ما حبيته …انا ما زعلناش على حالي قد ما زعلانه عليه ….كل مره كان يزعل فيها ياجي لحضني…ودلوك انا اللي مزعلاه
كان نفسي يسمعني عايزه اقوله اني مكدبتش عليه واني حبيته قد عنيه …عايزه اقوله اني كان نفسي احكيله كل حاجه وكل مره اجي اتكلم يتربط فيها لساني ياريتني كنت مت ولا سكت
نعيمه قالت بحزن شديد ودموع….. الف بعيد الشر عليكي يا ست سلطانه كفاياكي بكى ده غلط انتي حبله…. يلا قومي قبل ما يجي خليني اهربك بسرعه وكل حاجه هتتحل مع الوقت
سلطانه بصتلها بذهول وقالت..ايه….تهربيني
عند همام كانو على الطريق وقال ومشي ناحية المينا
عمه قال باستغراب ….انت مشيت غيرت الطريق ليه…. انا مش قولت لك المكان القديم معهينفعش للتسليم …ده زمان اللي ما تتسماش قالت للظابط عليه ولا انت عايزهم يقبضوا علينا ويخلصونا…اطلع على طريق الجبل انا قلت للرجاله يستلموا البضاعه بري وهما هيستنو عند المخزن القديم
همام ابتسم بسخريه وقال …عارف ..متقلقش يا عمي البضاعه هتاجي بري كيف ما انت قولت والرجاله مستنينها هناك وانت كمان روح استنى معاهم…. وانا هستنى هنه في المينا… عايز اشوف وش الضابط لما ياجي على الميعاد اللي قالتلو عليه ويستنى لما الشمس تاكل قفاه وميلقاش حاجه
عمو ابتسم وقال….على قولك انت خليك وانا هروح امن البضاعه ..دي بملاين
عمو ماشي وهو فضل مستني على بعد علشان يشوف الضباط لما يوصلو…. بس فضل مستني كتير ومحدش جيه ابدا
همام استغرب جدا وقال….. انا ما افهمش حاجه …انا قايل لها على معاد التسليم وعلى الساعه كمان….معقوله مقالتلوش
بس هز راسه بالرفض وقال… متضحكش على نفسك يا همام انت شوفت الجواب بعينيك…. يبقى اكيد رجعت بعتت له وقالت له انها اتكشفت
اتنهد وقال….. لاه بردك اكيد ما لحقتش وانا وصيت الحرس لو حد طلع من الدار يقولي
اتنهد بحيره ورجع على البيت وهو مش لاقي تفسير للي حصل
عند سلطان استغربت كلام نعيمه واتسعت عينيها بذهول وقالت ….تهربيني.. تهربيني كيف
نعيمه قالت بسرعه…ههربك من الباب الوراني قبل ما يرجع بس يلا بسرعه
سلطانه قالت بسرعه..انتي اتجنيتي ولا ايه..اهرب ويقولو مرت كبير البلد هربت مش كفايه اللي عملتو فيه
نعيمه قالت بقلق….ياست سلطانه اسمعي الكلام الله لا يسيئك… متفكريش انه سكت كده ….ده بس لانك حبله…و اول ما ياخد ولده منك هيخلص عليكي… يلا يا ست سلطانه اسمعي الكلام
سلطانه قالت بدموع ….قولتلك لاه يا نعيمه… خليه يخلص عليا انا استاهل ….المهم انتي متدخليش في الموضوع متخليهمش يعرفوا انك كنتي بتساعديني لاجل لو مت تخلي بالك على ولدي من بعدي
بقلم…زهرة الربيع
نعيمه قالت بذهول…انتي بتقولي ايه …تموتي كيف هيه سايبه ولا سايبه…. انا هكلم الضابط جلال و هو ياجي يلحقك من هنهم
سلطانه قالت بسرعه وحزن…..لا يا نعيمه كفايه على همام اللي عرفوا عني…معيزاش اسببلو مشاكل كمان … انتي اسمعي الكلام و روحي دلوك واقفلي الباب كيف ماكان متخليهوش يعرف اني سيبالك نسخه منو يلا الله يبارك لك قبل ما يرجع
بس قبل ما تتحرك اتصدمو بصوت همام بيقول بغضب….بس انا جيت خلاص …تحبو انزل تاني واعاود بعد شويه
نعيمه شهقت بخضه ومسكت في سلطانه بخوف وسلطانه بلعت ريقها وقالت برعب……مفيش حاجه يا همام…اصل..اصل نعيمه خافت عليا وجات تطمن بس كده
همام ابتسم بسخريه وقال ….ممكن بردك… كلام يخيل على الهبيل …ممكن اعرف بس من باب الفضول الست نعيمه فتحت الباب كيف
نعيمه كانت مرعوبه وسلطانه كمان وهو قال بسرعه….. انا اقولك كيف…. هي من الاساس معاها مفتاح اوضتنا لانها الجاسوسه بتاعتك في البيت هنه وطبعا هيه اللي كنتي تبعتي معاها الجوابات للحكومه من ورا المغفل اللي واخداه مش كده ولا انا غلطان
نعيمه خافت اكتر و سلطانه بلعت ريقها بتوتر ونزلت عيونها
هنا همام زعق بغضب شديد وقال …..منصور ….انت يا زفت يا منصور
جه واحد من رجالته جري وقال…. امر جنابك يا همام بيه
همام شد نعيمه من ايدها بغضب ودفعها لمنصور وقال….. خد الزفت دي اربطها في الحوش لحد ما اشوف لها صرفه
نعيمه بصت لسلطانه بخوف وسلطانه قالت بسرعه …. احب على يدك يا همام…. عشان خاطري هي ملهاش صالح
ولسه هتجري على نعيمه همام مسكها من ايدها بغضب وقال لمنصور بزعيق….ما يلا ياض مش بكلمك واقف متنح ليه
منصور شد نعيمه ومشي بيها بسرعه وخوف
وسلطانه بقت تبكي بشده وهي بتقول …..هملها يا همام احب على يدك علشان خاطري وانبي يا همام
همام زقها على السرير بضيق وبقى يغير هدومه بلا مبالاه وقال …..ومين قال لك ان لسه ليكي خاطر عندي عشان تشفعي بيه لغيرك ….انتي نفسك محتاجه اللي يشفع لك
سلطانه قالت بسرعه….. اعمل فيا اللي انت عايزه بس متاذيش حد بسببي
همام ابتسم بسخريه وغير الكلام تماما وقال…. مجاش النهارده على ميعاد التسليم ليه ….مش معقول ما انتيش قايلاله قبل سابق على المعاد
سلطانه قالت بدموع…. مقلتلوش حاجه….وبقالي كتير قوي مبغتلوش اي حاجه
همام ابتسم بسخريه وقال.. واخد بالي باماره المخازن اللي اتحرقت اول امبارح
سلطانه بصتلو بدهشه ووووو
لو لقيت تفاعل جامد هنزل واحد كمان الصبح يلا وروني التفاعل الجامد 🏃♀️🏃♀️🏃♀️🏃♀️
الثالث
الظابط بتاعك مجاش النهارده على ميعاد التسليم ليه ….مش معقول ما انتيش قايلاله قبل سابق على المعاد
سلطانه قالت بدموع…. مقلتلوش حاجه….وبقالي كتير قوي مبغتلوش اي حاجه
همام ابتسم بسخريه وقال.. واخد بالي باماره المخازن اللي اتحرقت اول امبارح
سلطانه بصتلو بدهشه وقالت…… انا مقلتلوش على المخازن ..قولتلك بقالي وقت طويل مبعتلوش اي حاجه ….وبعدين ماتفكر شويه يا كبير وتعقلها ….ايه اللي هيخلي الحكومه تحرقلك مخازنك… مهم لو عارفين مكانهم يقدرو يطبو عليكم ويشوفوا اللي فيها ويمسكوكم متلبسين انت وعمكم
همام فكر شويه لان فعلا كلامها منطقي وقال بتردد…..يمكن كانوا مستنين العمليه الكبيره اللي هتوصل النهارده
سلطانه وقفت قصاده وقالت…. واهي وصلت النهارده… حد جيه ناحيتكم…. يا همام انا معايزاكش تسامحني وعارفه اني غلطانه …بس وحياه ولدي اللي في بطني ده ان شاء الله اعدمه من وقت ما حبيتك مبعتلوش ولا جواب..و كمان قولتله انك حابب تتغير وهتبدا من جديد واني خلاص كده ما هقولش حاجه تاني عن اسرارك ومن وقتها مبعتلوش حاجه وحمدت ربنا اني مكنتش السبب في اي خراب ليك وكانوا لسه معرفوش عنيك اي حاجه ولا عن التسليم رغم انك قولتلي على المعاد بس مقدرتش اقوله مقدرتش ابيعك يا همام و رحمه ابوي ماقدرت ابيعك
همام كان حاسس انو مصدقها وهيضعف قدامها فشدها من شعرها بقوه وحاصرها بين ايديه وقال بوجع وغضب…. بس انتي بعتيني يا سلطانه ..بعتيني و قتلتيني بسكين بارده
سلطانه اتألمت من مسكته واللي وجعها اكثر الدموع اللي في عيونه ولاول مره تشوفها قالت بوجع ….مقصدتش اوجعك واصل مكنتش عارفه اني هحبك ولا هتحبني… مكنتش عارف يا همام
همام شدد من مسكته ليها وقال بغضب…. ولما عرفتي مجيتيش قولتي لي ليه… لو كان كلامك ده صح وفعلا حبتيني مقلوتليش ليه متكلمتيش ليه يا سلطانه ..كان هيبقى احسن 100 مره من الموقف اللي اتحطيت فيه قدام عمي… احسن من انو يقولي مرتك قرطستك ولعبت بيك
وشدد من مسكته ليها وقال غضب وحده …قال لي الله اعلم اللي في بطنها ولدك ولا لاه….طبعا.. ما انا في نظره واحد مغفل ممكن يحصل اي حاجه وانا ما داريش ونايم على وداني
ودفعها بغضب وبص بعيد عنها وبقى يحاول يخبي دموعه اللي حرقت عيونه حرق
سلطانه قالت بحزن ودموع…حقك على راسي ..انا..انا
بس معرفتش تقول ايه وهمام اتنهد وقال بحزن …فاكره يوم ما لقيتك في الجبل… كنتي بتجري في نصاص الليالي خايفه ومرعوبه وبردانه ….فاكره كيف وقفت معاكي من غير ما اعرفك ولا اعرف انتي مين ….لما قولتيلي ابوكي ميت ومرت ابوكي عايزه تبيعك لواحد كبير في السن وانتي هربانه منيهم …سمعتك…. وصدقتك من غير اي سبب يخليني اصدق… جبتك على داري وامنتك عليه واتجوزتك وخليتك ست الكل ومبقاش حد يقدر يمسك ولو حتى بكلمه .و….و
بس مقدرش يكمل ونزلت دمعه شارده على خده وقال بالعافيه …وحبيتك يا سلطانه…..كنت جاهز ابيع الدنيا واشتريكي
