سلطانة الجبل

سلطانه نزلت دموعها بوجع وهو كمل وقال….امنتك على اسراري كلها اللي عمري ما امنت حد عليها ….وقولتي لي انك مقبلاش الفلوس الحرام وحتى دي وافقتك فيها وكنت ناوي انزل البضاعه اللي دفعنا حقها وتكون اخر عمليه ليا

سلطانه كانت بتبكي بشده من كلامه وصوته اللي كله وجع وهمام التفت لها وقال بوجع ممزوج بدموع عنيه…..يطلع كل ده كدب …تطلعي مزقوقه عليا…. انا تضحكي عليا كده كل حاجه بينا …كل حاجه عشناها وهم

سلطانه قربت منه واحتضنت ملامحه بعنيها وقالت…. ولا حاجه كانت كدب ولا حاجه…. كل حاجه قولتها لك كانت حقيقه انا حبيتك اكتر من روحي ومقدرتش افرض فيك يمين بالله كل اللي عشتو وياك كان من قلبي يا همام

همام بقى يبصلها وبيتمنى يصدقها وهيه قالت بدموع….حتى اللي حكتهولك كلو مكدبتش فيه…كل اللي حصل اني روحت للحكومه قبلك عشان ينجدوني من مرت ابوي وهناك قابلت الظابط جلال…يومها قال لي انك واحد بالتاجر في السموم وفي نفس الوقت انت الوحيد اللي قادر تحميني من مرت ابوي وهو اللي زقني في طريقك عشان يعرف ميعاد التسليم والمخازن فين….انا كنت عبيطه خايفه من اهلي انهم يجوزوني غصب وافقت على اللي قال عليه…بس ورحمة ابوي من يوم ما جيت هنه وكل ما يبعت لي يكون ردي كيف ما انت قريت في الجواب كده …اقوله اني لسه معرفتش حاجه عن ميعاد التسليم واول ما اعرف هبعتله ومبعتش عنك اي حاجه بعد كل اللي عملته وياي مقدرتش اذيك….وكنت كل يوم اقول هحكيلك كل حاجه بس مقدرش اتكلم …مش خوف منك ….بس خفت اخسرك يا همام والنعمه خوفت اخسرك انا بحبك قوي ..بحبك والله

همام شدها عليه بقوه وغضب ووجع وقال…..ما تقوليش بحبك تاني…. سامعه متنطقيهاش تاني

سلطانه لمعت عيونها بالدموع وقبل ما تتكلم قربها لي في لحظه جميله سرقت انفاسهم وسافرت بيهم لعالم تاني وهيه بين اديه

بعد شويه التفت بعيد عنها وهو في قمه غضبه من نفسه لانه ضعف قدامها كده جذب شعره لورا وقال بتوتر …..خليكي بعيده عني …متفكريش اللي عملتيه هيعدي بالساهل ولا تفكري اني سهل عليا اصدق كل اللي بتقوليه….خلاص كان فيه وانتهى يا بت الجبل زمان كنتي في نظري اصدق واحده في الدنيا و الكلمه اللي تقوليها بصدقها من غير ما افكر فيها حتى ….بس دلوك كل ده راح واللي عملتيه مهنساهوش عمري كله
بقلم …زهرة الربيع
قال كده ومشي وهي قعدت على السرير بدموع وبتتمنى لو كانت صارحته وقالت له كل حاجه من الاول

عند همام نزل وهو بيلعن نفسه لانه مش قادر يكرهها ولا قادر ياذيها قعد في الصاله وقال بغضب… نعيمه…. بت يا نعيمه اعملي كوبايه قهوه و

بس قطع كلامه و اتنهد بخنقه لما افتكر ان حتى نعيمه مش موجوده وهو حابسها في الحوش نادى لواحده تانيه من الخدم تعمل له القهوه
في الوقت ده دخل عمه وقال بفرحه….. خلاص البضاعه وصلت واتستفت في المخازن وكل حاجه تمام…. ها مقلتليش الظابط وصل ميته

همام اتنهد وقال…. موصلش يا عمي ما جاش واصل …هيه بتقول انها مقالتلوش وانها بقى لها كتير ما قالتلوش على شغلنا و

قاطعو عمه لما قال بغضب وزعيق…و انت صدقتها دي بت نصابه شوف نصبت عليك قد ايه يعني سهل عليها تكدب دلوك تلاقيها قالت له انك كشفتها وميروحش هناك عشان كده مجاش

همام اتنهد بتعب حرفيا دماغه هتتفرتك من الصراع بينها وبين قلبه كان عارف ان سلطانه مخرجتش ومقالتش للظابط بس مكانش قادر يجادل ولا يناقش قال بياس واستسلام …..يمكن يا عمي كل شيء جايز

وعدى اكتر من اسبوع وهمام تعبان جدا ومخنوق لانه مش بيطلع عند سلطانه ولا بيشوفها الا مرات قليله لما هيه تنزل علشان تبص عليه شويه من بعيد وكانو الاتنين مشتاقين لبعض جدا بس همام مكانش قادر يننازل ولا يثق فيها تاني

في يوم كان بيشرب قهوته وكانت سلطانه بتبص عليه من بعيد فاكره انو مش شايفها

همام ابتسم وهو شايف وشها اللي بيعشقه بتعكسه الطاوله القزاز الللي قدامه….لمس ملامحها على الطاوله وهو بيبتسم باشتياق

بس حمحم وحط صينيه القهوه مكان طيفها بتوتر لما دخل عمه وهو بيقول….لا ما انا تعبت وانت لازمن تشوفلك صرفه مش هتفضل قاعد هنه كيف الوليه الحزينه وتهملني لحالي كده

همام اتنهد وقال…فيه ايه يا عمي خير
عمه قال قال …. المخازن كلها معبايه ومفيهاش منفد وفيه قد 50 كيلو بره كنت حاططهم في المنور ..دلوك عايزين ننقلهم روح خد العربيه النص نقل ووديهم في المخزن اللي في الجبل انا تعبان ومهأمنش الرجاله يوصلوهم لحالهم

همام بص له باستغراب وقال….واشمعنا ال 50 كيلو دول يعني اللي المخازن ما شايلهمش كيف ده يا عمي

عمه قال بسرعه…. اسمع الحديت عاد قلت لك ما شايلش يعني لو اخدتهم وديتهم المخزن هتبقى الدنيا فايقه كده والرجاله تعرف تشتغل

همام اتنهد وقال ….حاضر يا عمي كيف ما تحب

بس قطع كلامهم منصور الغفير لما جيه وقال…. يا بيه البت اللي اسمها نعيمه ما راضياش تسكت وبتقول عايزه تقابلك ضروري

همام اتنهد بخنقه وقال…. قول لها تسد بوزها منقصاش
منصور لسه هيمشي بس همام فكر شويه وقال… ولا اقول لك انا جاي معاك

عمو قال بسرعه…. متنساش البضاعه لازم توصلها من عشيه

همام اتنهد وقال …..حاضر اشوفها عايزه ايه واروح طوالي

اول ما همام طلع عمو ابتسم بخبث وطلع التليفون واتصل بشخص وقال …ايوه يا جمال ركز معاي زين اول ما توصل عربيته تبلغ المركز عشان دول 50 كيلو مش كتير …هينزلوهم بسرعه …عايز يتمسك فيهم قبل ما يدخلهم ونخلص منو بقى كفاياه قوي لحد كده

الرابع
عايز يتمسك فيهم قبل ما يدخلهم ونخلص منو بقى كفاياه قوي لحد كده

وقفل معاه ولسه بلتفت اتفاجأ بسلطانه قدامه وقالت بغضب شديد …..هو مين ده اللي كفاياه ياعود القصب الناشف انت…لو ما فضحتك قدامه وعرفته كل نواياك ميبقاش اسمي سلطانه

عند همام راح لنعيمه وقال بغضب ….في ايه يا بت عماله تزعقي ليه

نعيمه قالت بدموع …..عايزه اتحدت وياك يا كبير عايزه اقولك اللي الست سلطانه ما قدراش تقوله لك…. والنعمه يا بيه ست سلطانه من وقت ما جات على البيت وهي حكت لي على كل حاجه قالت لي انها مقدراشي تبيعك للحكومه ولا تقولهم حاجه عنيك ..دي حتى قالت للظابط انك هتوب و وهتبطل كل ده…. انا قريت الكلام ده في الجواب بنفسي… احب على يدك ما تاذيها دي كانت فرحانه بيك هو بعيلها اللي في بطنها ما تحرمهاش منيه

همام اتنهد بخنقه وقال….. انا عرفت كل ده …انتي وستك اتكلمتو متاخر بعد ما سبتوني زي الاطرش في الزفه….الهمهم دلوك معايزش اسمع حرف منك ولا منها لحد ما اعرف هاعمل فيكم ايه انتم الاتنين

همام قال كده وسابها ومشي وهيه كانت بتزعق وبتقول….والله الست سلطانه عمرها ما تضرك يا بيه دي ريداك وربنا ريداك

عند عم همام كان مصدوم بوجود سلطانه وقال بغضب….. انتي ايه نزلك من الاوضه يا بت انتي..ده انا قولت عمرك ما هتخلينا نلمحوكي تاني بعد عملتك…صدق اللي قال حرامي وعينه بجحه