كيف ما سمعت البت اللي نضفتها واتجوزتها وبقت مرت كبير البلد طلعت مزقوقه عليك من الحكومه ورايده تدخلك اللومان..بس عارف انت تستاهل ولو كنت هتتحبس لوحدك كنت سبتك على عماك لاني ياما قولتلك دي حيه وهتجيب اجلك مسمعتش كلامي
كان بيسمعه بصدمه شديده وقال بذهول..انت..انت بتقول ايه…سلطانه مستحيل تعمل كده واصل يا عمي
عمه ضحك بسخريه وقال..لهو انا هاجي اوقف قدامك كده واتهمها وانا مش متأكد ..البت طلعت تبع الظابط جلال زاققها عشان يعرف مكان المخازن والبضايع والتسليم انا اتاكدت بنفسي وعرفت انها بتبعتلو مكاتيب فيها كل اخبارنا
وطلع ورقه من جيبه وقال …خد اقرى خط مرتك ده ولا مش خطها يا همام
همام مسك الجواب منه وهو مصدوم بشده وبيتمنى يكون غلطان بس للاسف كل كلام عمه صح …بقت الارض تدور بيه ومش قادر يقف… ازاي قدرت تعمل كده ازاي قدرت تضحك عليه
عمه ابتسم بخبث لما شاف نظراته اللي اتبدلت وحب يذيد النار وقال…يا حسرتي عليك حرمه تقلب حالك كده وتلعبك على صوابعها لا وجايلي امبارح تقولي ده اخر عمليه هنعملها يا عمي انا هبطل الشغل ده عايز اربي عيالي بالحلال…هه..هما فينهم عيالك دول مش يمكن المحروسه مش حبله اصلا …ولا يمكن اللي في بطنها مش ولدك من اساسه
هنا همام بصلو بحده نظره رعبتو وقال بغضب…انا مش عايز كتر حديت…بارك الله فيك انك نبهتني …والباقي سيبو علي انا هعرف احاسبها عليه
ولسه هيتحرك عمه قال بسرعه..المهم الشغل يا همام…هنكمل ولا هنوقف ولا هنخافو من الحكومه مقولتش ناوي على ايه
همام ضم ايده بغضب ميتوصفش وقال….كل حاجه هتكمل ياعمي كيف ما كانت ما عاش ولا كان اللي يخوفنا…جهز الرجاله وخليهم يسبقو واحنا هنحصلهم
قال كده وطلع بغضب شديد على اوضته وعمه ابتسم بخبث وسعاده وقعد بارتياح
همام طلع اوضته ورزع الباب ودخل من غير مقدمات
كانت قاعده بنت جميله في سن العشرين وبتسرح شعرها وقفت مفزوعه وقالت…وه…فيه ايه يا همام فزعتني حد يخش كده مش تكح حتى
همام قرب منها بغضب ميتوصفش وقال…وهو لازمن استأذن عشان اخش اوضة نومي ….ولا خايفه اشوف حاجه مينفعش اشوفها
سلطانه استغربت كلامه وقالت بتوتر…قصدك ايه يا همام…هو هو فيه حاجه ولا ايه
همام طلع الجواب ورماه في وشها وقال….فيه ان ايامك السوده بدأت معاي يابت الجبل وهتشوفي اللي عمره ما خطر على بالك وووو
ننزلها بدون لينك للغالين اللي مش بيحبو اللينكات لو فيه تفاعل حلو عليها هكملها بدون لينك واجبلكم قصص كتيىه بدون لينك لحد ما روايتنا الحصريه تجهز …بس اشوف تفاعل حلو يلااااا🏃♀️🏃♀️🏃♀️🏃♀️🏃♀️
الثاني
سلطانه وطت مسكت الورقه من الارض وهي مرعوبه واتصدمت بالجواب بشده بىعت ريقها وقالت برعب… انا هفهمك يا همام احب على يدك تسمعني الاول
همام مسكها من دراعاتها بغضب شديد وقال بزعيق..كل ده بتضحكي عليا…بتقرطسيني يا بت الكلب
وضربها قلم قوي وقعت على السرير و بصيت له بدموع وخوف وقالت ….طب ..طب اسمعني..اسمعني مره واحده و
بس قاطعها لما زعق فيها بغضب شديد وقال….اسمع ايه..اسمع خيبة عمري اسمع اني كنت حمار ومغفل…ده انا…ده انا مصدقتش اي حد غلط في حقك …وحميتك من الدنيا كلها وعليتك على الكل واتجوزتك و
بس قطع كلامه وبص فجأه لبطنها بطريقه تخوف وقال…. اللي في بطنك ده ولدي صح
سلطانه اتسعت عينيها بذهول وقالت برعب …ط…طبعا ولدك يا همام هيكون ولد مين
همام قال بغضب شديد…. هعرف يا سلطانه كلها شهور ويتولد وهعرف كل حاجه … لو كان ولدي.. لجله هتتكرمي وهتموتي من غير تعب وهجهزلك جنازه تليق بيكي…تليق بمرت كبير البلد وام ولدو
وقرب منها قوي ومسكها من فكها وقال بفحيح مرعب…..اما بقى لو ما طلعش ولدي هتشحتي الموت من ربك شحاته من اللي هعمله فيكي وماهتطليهوش يا بت الجبل
ودفعها على السرير وطلع من الاوضه وقفل عليها الباب بالمفتاح ومشي
سلطانه بقت تلطم على خدودها بخوف ورعب ومش عارفه تعمل ايه
عند همام نزل عند عمه اللي وقف وقال بحماس…ها طمني قتلتها ولا دبحتها ولا عملت ايه
همام بصله بحده وقال…..ادبحها كيف وولدي في بطنها
عمه قال بغضب شديد ….وش دراك…
